తెలంగాణ కెరటం మంచిర్యాల జిల్లా ప్రతినిధి రాం వేణు...
మంచిర్యాల..
సింగరేణి సంస్థ మందమర్రి ఏరియాలోని జనరల్ మేనేజర్ కార్యాలయంలో గల సర్వే విభాగంలో (Survey Department) నూతనంగా ఏర్పాటు చేసిన హై-ఎండ్ (High-end) కంప్యూటర్లను ఈరోజు మందమర్రి ఏరియా జనరల్ మేనేజర్
ఎన్. రాధాకృష్ణ లాంఛనంగా ప్రారంభించారు.
ఈ సందర్భంగా జనరల్ మేనేజర్ మాట్లాడుతూ, మైనింగ్ కార్యకలాపాలలో అత్యంత కీలకమైన సర్వే విభాగానికి ఈ అధునాతన హై-ఎండ్ కంప్యూటర్లు ఎంతో అవసరమని పేర్కొన్నారు. ఆధునిక సాంకేతిక పరిజ్ఞానంతో కూడిన ఈ కంప్యూటర్ల వినియోగం వల్ల సర్వే డేటా విశ్లేషణ, మ్యాపింగ్ మరియు ఇతర సాంకేతిక పనులలో వేగం, ఖచ్చితత్వం మరింత పెరుగుతాయని ఆయన ఆశాభావం వ్యక్తం చేశారు.
ఈ కార్యక్రమంలో కేకేఓసిపి (KKOCP) ప్రాజెక్ట్ ఆఫీసర్ శ్రీ రాంబాబు, డీజీఎం (సర్వే) శ్రీ బుఖ్య దేశాయ్, ఐటీ మేనేజర్ శ్రీ రవి, జూనియర్ సర్వే అధికారి నరేష్, సదానందం మరియు సర్వే విభాగం అధికారులు, సిబ్బంది పాల్గొన్నారు.
