Loading Time...
న్యూస్ ఈ-పేపర్ Live TV
Mobile Logo
Loading...
EPAPER ఆంధ్రప్రదేశ్ తెలంగాణ జాతీయం సినిమా క్రీడలు బిజినెస్ క్రైమ్ భక్తి Live TV రాశిఫలాలు
ఈ రోజు మీ ప్రాంతం LIVE
మెనూ (MENU)

రోడ్డు ప్రమాద స్థలాన్ని పరిశీలించిన పోలీస్ కమిషనర్ అంబర్ కిషోర్ ఝా

Author
Posted By TELANGANA KERATAM
| 16 Nov 2026, 09:06 PM | 5 | Politics, తెలంగాణ
రోడ్డు ప్రమాద స్థలాన్ని పరిశీలించిన పోలీస్ కమిషనర్ అంబర్ కిషోర్ ఝా
 రోడ్డు ప్రమాదాల నివారణకు పటిష్ట చర్యలు చేపట్టాలి

తెలంగాణ కెరటం మంచిర్యాల జిల్లా ప్రతినిధి రాం వేణు.

రామగుండం పోలీస్ కమిషనరేట్ పరిధిలోని మంచిర్యాల జోన్, హాజీపూర్ పోలీస్ స్టేషన్ పరిధిలో జాతీయ రహదారి-63పై గుడిపేట పెట్రోల్ పంపు సమీపంలో 07-11-2026న జరిగిన ఘోర రోడ్డు ప్రమాద స్థలాన్ని రామగుండం పోలీస్ కమిషనర్ అంబర్ కిషోర్ ఝా పరిశీలించారు. ప్రమాదం జరిగిన తీరును,ప్రమాదానికి దారితీసిన పరిస్థితులను, ఘటనకు సంబంధించిన పూర్తి వివరాలను హాజీపూర్ ఎస్‌ఐ కిరణ్ కుమార్‌ను అడిగి తెలుసుకున్నారు.రోడ్డు ప్రమాదాల నివారణకు ముందస్తు జాగ్రత్తలు తీసుకోవాలని, ప్రమాదాలు ఎక్కువగా జరిగే బ్లాక్ స్పాట్‌లను గుర్తించి, అవసరమైన హెచ్చరిక బోర్డులు, రేడియం సూచికలు, వేగ నియంత్రణ చర్యలు ఏర్పాటు చేసేలా సంబంధిత శాఖలతో సమన్వయం చేసుకోవాలని సూచించారు.
వాహనదారులు తప్పనిసరిగా ట్రాఫిక్ నిబంధనలు పాటించేలా అవగాహన కల్పించాలని, అతివేగం,నిర్లక్ష్యపు డ్రైవింగ్, ప్రమాదకర ఓవర్‌టేకింగ్‌ను నియంత్రించేందుకు నిరంతరం వాహన తనిఖీలు చేపట్టాలని అధికారులను ఆదేశించారు.చలికాలం కావడంతో రాత్రి వేళల్లో, తెల్లవారుజామున వాహనదారులు మరింత అప్రమత్తంగా ఉండాలని సూచించారు. ముఖ్యంగా జాతీయ రహదారులపై ప్రమాదాల నివారణకు పోలీసు నిఘా, పెట్రోలింగ్‌ను ముమ్మరం చేయాలని అధికారులను ఆదేశించారు.
మా వాట్సాప్ ఛానెల్ లో జాయిన్ అవ్వండి తాజా వార్తల కోసం ఇప్పుడే ఫాలో అవ్వండి
Tags: