ప్యాక్స్, ఐకెపి ధాన్యం కొనుగోలు కేంద్రాల ప్రారంభం

తెలంగాణ కెరటం, జగిత్యాల ప్రతినిధి, నవంబర్ 06 : కోరుట్ల మండలం మాదాపూర్ గ్రామంలో ఏర్పాటు చేసిన ప్యాక్స్, ఐకెపి ధాన్యం కొనుగోలు కేంద్రాలను ప్యాక్స్ చైర్మన్ గడ్డం ఆదిరెడ్డి, గ్రామ సర్పంచ్ జంగా భూలక్మి - దేవేందర్ లు ప్రారంభించారు. ఈ సందర్భంగా వారు మాట్లాడుతూ..రైతులు పండించిన వరి ధాన్యాన్ని ప్రభుత్వం ఏర్పాటు చేసిన కొనుగోలు కేంద్రాల ద్వారా విక్రయించుకొని, మద్దతు ధర పొందాలని సూచించారు. రైతులకు ఎలాంటి ఇబ్బందులు కలగకుండా కొనుగోలు కేంద్రం నిర్వాహకులు తగిన చర్యలు తీసుకోవాలని తెలిపారు. ఈ కార్యక్రమంలో ఎంపీడీఓ వోదెల రామకృష్ణ, మాజీ సర్పంచ్, మండల బీఆర్ఎస్ పార్టీ అధ్యక్షుడు దారిశెట్టి రాజేష్, సొసైటీ కార్యదర్శి మహేందర్, పంచాయతీ కార్యదర్శి అపర్ణ, సహకార సంఘం డైరెక్టర్లు, పాక్స్, ఐకెపి సిబ్బంది పాల్గొన్నారు.