24 పెండింగ్ సమస్యలు పరిష్కరించాలని డిమాండ్..
సంఘీభావం తెలిపిన మాజీ ఎమ్మెల్యే నల్లాల ఓదెలు.......
తెలంగాణ కెరటం మంచిర్యాల జిల్లా ప్రతినిధి రాం వేణు....
మంచిర్యాల....
మందమర్రి సింగరేణి కార్మికుల 24 పెండింగ్ సమస్యలను వెంటనే పరిష్కరించాలని డిమాండ్ చేస్తూ మంచిర్యాల జిల్లా మందమర్రి జీఎం కార్యాలయం ఎదుట ఏఐటీయూసీ ఆధ్వర్యంలో రెండు రోజుల పాటు రిలే నిరాహార దీక్ష చేపట్టారు. కార్మికుల దీర్ఘకాలిక సమస్యలను యాజమాన్యం పరిష్కరించాలని ఈ సందర్భంగా నాయకులు డిమాండ్ చేశారు.
ఈ రిలే నిరాహార దీక్షకు మాజీ ఎమ్మెల్యే నల్లాల ఓదెలు సంఘీభావం ప్రకటించి దీక్షలో పాల్గొన్న కార్మికులకు మద్దతు తెలిపారు. సింగరేణి కార్మికుల సమస్యల పరిష్కారం కోసం చేపట్టిన పోరాటానికి తన మద్దతు ఉంటుందని తెలిపారు. పెండింగ్లో ఉన్న 24 సమస్యలపై యాజమాన్యం స్పందించి తక్షణమే పరిష్కార చర్యలు చేపట్టాలని కార్మిక సంఘం నాయకులు కోరారు.



