రిపోర్టర్ సతీష్ (తెలంగాణ కెరటం)
గాజులరామారం, నవంబర్ 8:దీపావళి పండుగ సందర్భంగా గాజులరామారం ఉషోదయ కాలనీలో నిర్వహించిన నరకాసుర దహనం 3.0 కార్యక్రమం అంగరంగ వైభవంగా జరిగింది. చిన్నా పెద్దా తేడా లేకుండా వేలాది మంది ప్రజలు తరలిరావడంతో ఆ ప్రాంతమంతా పండుగ వాతావరణం నెలకొంది.
ఉషోదయ కాలనీ వెల్ఫేర్ అసోసియేషన్ ఆధ్వర్యంలో ఆదివారం సాయంత్రం 6 గంటలకు ఉషాముళ్ళపూడి హాస్పిటల్ ప్రక్కన ఈ వేడుక ప్రారంభమైంది.
క్రాకర్స్ షోతో మెరిసిన ఆకాశం:
ఆంధ్ర నుండి ప్రత్యేకంగా తీసుకువచ్చిన క్రాకర్స్ తో నిర్వహించిన బాణాసంచా షో ఈ వేడుకకే ప్రత్యేక ఆకర్షణగా నిలిచింది. రంగు రంగుల వెలుగులతో ఆకాశం మెరిసిపోగా, ప్రేక్షకులు చప్పట్లతో హర్షం వ్యక్తం చేశారు. అనంతరం జరిగిన నరకాసుర దహనంతో ప్రేక్షకుల్లో ఉత్సాహం ఉరకలేసింది.
జబర్దస్త్ టీం కామెడీకి కడుపుబ్బా నవ్వులు:
సినీ డబ్బింగ్ ఆర్టిస్టులు & జబర్దస్త్ టీం ప్రోగ్రామ్ ప్రేక్షకులను విశేషంగా ఆకట్టుకుంది. జబర్దస్త్ ఫేమ్ *గడ్డం నవీన్, అప్పారావు, వినోద్* లు చేసిన కామెడీ స్కిట్ లకు ప్రేక్షకులు కడుపుబ్బా నవ్వుకున్నారు. చివరి వరకు ప్రేక్షకులను కదలకుండా చేసిన ఈ ప్రోగ్రామ్ వేడుకకు మరింత వన్నె తెచ్చింది.
*ఘనంగా నిర్వహణ:*
ఈ వేడుకకు *రాజు ఎంటర్టైనర్స్ - డేవిడ్ రాజు మునుకోటి* ఆర్గనైజర్ సెక్రటరీగా వ్యవహరించి కార్యక్రమాన్ని దిగ్విజయంగా నిర్వహించారు. అసోసియేషన్ ప్రెసిడెంట్ *దేగల సతీష్ బాబు*, జనరల్ సెక్రటరీ *వి. నరసింహా రెడ్డి* లతో పాటు కమిటీ సభ్యులు, కాలనీ వాసులు, చుట్టుపక్కల ప్రాంతాల ప్రజలు పెద్ద ఎత్తున హాజరై ఈ వేడుకను విజయవంతం చేశారు.
ఇలాంటి కార్యక్రమాలు కాలనీ ఐక్యతను, సంస్కృతిని పెంపొందిస్తాయని నిర్వాహకులు తెలిపారు. వచ్చే ఏడాది మరింత ఘనంగా నిర్వహిస్తామని ప్రకటించారు.
