భీమిని మండలం జగ్గయ్యపేట గ్రామానికి చెందిన పోతురాజుల రమాదేవికి ఎమ్మెల్యే గడ్డం వినోద్ ప్రత్యేక చొరవతో రూ.1,85,500 సీఎం రిలీఫ్ ఫండ్ మంజూరైంది.
గత సంవత్సరం ప్రసవ సమయంలో రమాదేవికి సుమారు రూ.4 లక్షలకు పైగా ఆసుపత్రి ఖర్చులు కావడంతో ఆర్థిక ఇబ్బందులు ఎదుర్కొన్నారు. ఈ విషయాన్ని ఎమ్మెల్యే గడ్డం వినోద్ దృష్టికి తీసుకెళ్లగా, ఆయన ప్రత్యేకంగా స్పందించి సీఎం రిలీఫ్ ఫండ్ ద్వారా ఆర్థిక సహాయం అందేలా కృషి చేశారు.
ఈ నేపథ్యంలో మంజూరైన రూ.1,85,500 విలువైన సీఎం రిలీఫ్ ఫండ్ చెక్కును ఆదివారం ఎమ్మెల్యే క్యాంపు కార్యాలయంలో రమాదేవికి అందజేశారు.
ఈ సందర్భంగా రమాదేవి కుటుంబ సభ్యులు తమకు పెద్ద మొత్తంలో ఆర్థిక సహాయం అందేలా కృషి చేసిన ఎమ్మెల్యే గడ్డం వినోద్‌కు ప్రత్యేక కృతజ్ఞతలు తెలిపారు.
ఈ కార్యక్రమంలో మార్కెట్ కమిటీ చైర్మన్ రత్నం సుకుమారి, వైస్ చైర్మన్ రవీందర్, నాయకులు గాధం లక్ష్మీనారాయణ తదితరులు పాల్గొన్నారు.
