విప్ ఆది కాలికి గాయం.. ఆసుపత్రిలో చికిత్స

తెలంగాణ కెరటం, జగిత్యాల ప్రతినిధి, నవంబర్ 11 : కథలాపూర్ మండలం ఇప్పపల్లి వద్ద ప్రభుత్వ విప్, వేములవాడ ఎమ్మెల్యే అది శ్రీనివాస్ కాలికి గాయం అయ్యింది. ఓ కార్యక్రమానికి హాజరైన క్రమంలో ఏర్పాటు చేసిన ఫ్లెక్సీకి ఉపయోగించే ఫ్లెక్సీ బాండ్ (గమ్) కాలికి అంటుకుంది. కాలికి తీవ్ర నొప్పి కావడంతో ఆయనను వెంటనే వేములవాడలోని ఓ ప్రైవేట్ ఆసుపత్రికి తరలించగా, వైద్యులు ఫ్లెక్సీ బాండ్ ను తొలగించి చికిత్స అందిస్తున్నారు. ఈ విషయం తెలిసిన అభిమానులు ఆదిని పరామర్శించేందుకు ఆసుపత్రికి చేరుకుంటున్నారు.