ఆపదలో ఉన్న బాధిత కుటుంబానికి రూ.2 లక్షల ఎల్‌ఓసీ మంజూరు చేయించిన ఎమ్మెల్యే కొత్త ప్రభాకర్ రెడ్డి

దుబ్బాక ఎమ్మెల్యే కొత్త ప్రభాకర్ రెడ్డి చొరవతో అనారోగ్యంతో బాధపడుతున్న బాధిత కుటుంబానికి రూ.2 లక్షల ఆర్థిక సహాయం అందించేందుకు ఎల్‌ఓసీ మంజూరైంది.దుబ్బాక మండలం అచ్చుమాయిపల్లి గ్రామానికి చెందిన సంగం భాను శేఖర్ రెడ్డి అనారోగ్యంతో బాధపడుతున్న విషయాన్ని తెలుసుకున్న బీఆర్‌ఎస్ పార్టీ యువ నాయకుడు ప్రసాద్ గౌడ్, బాధిత కుటుంబ పరిస్థితిని ఎమ్మెల్యే కొత్త ప్రభాకర్ రెడ్డి దృష్టికి తీసుకెళ్లారు.

దీంతో స్పందించిన ఎమ్మెల్యే బాధిత కుటుంబానికి వైద్య చికిత్స నిమిత్తం రూ.2,00,000 (రెండు లక్షల రూపాయలు) విలువైన ఎల్‌ఓసీ మంజూరు చేయించారు. మంజూరైన ఎల్‌ఓసీని బీఆర్‌ఎస్ పార్టీ యువ నాయకుడు ప్రసాద్ గౌడ్ బాధిత కుటుంబానికి అందజేశారు.

ఈ సందర్భంగా బాధిత కుటుంబ సభ్యులు ఎమ్మెల్యే కొత్త ప్రభాకర్ రెడ్డికి, సహకరించిన ప్రసాద్ గౌడ్‌కు కృతజ్ఞతలు తెలిపారు.