Loading Time...
న్యూస్ ఈ-పేపర్ Live TV
Mobile Logo
Loading...
EPAPER ఆంధ్రప్రదేశ్ తెలంగాణ జాతీయం సినిమా క్రీడలు బిజినెస్ క్రైమ్ భక్తి Live TV రాశిఫలాలు
ఈ రోజు మీ ప్రాంతం LIVE
మెనూ (MENU)

వరిగడ్డి కాల్చవద్దు నేల సారాన్ని కాపాడండి

Author
Posted By TELANGANA KERATAM
| 21 Nov 2026, 09:30 PM | 7 | Politics, తెలంగాణ
వరిగడ్డి కాల్చవద్దు నేల సారాన్ని కాపాడండి
కౌడిపల్లి తెలంగాణ కెరటం నవంబర్ 21
 మెదక్ జిల్లా కౌడిపల్లి మండలంలోని వరి పంట కోత అనంతరం రైతులు పొలాల్లో మిగిలిన పంట అవశేషాలు (వరి గడ్డి) కాల్చవద్దని ఏడీఏ పుణ్యవతి సూచించారు. పంట అవశేషాలను కాల్చడం వల్ల నేలలోని ఉపయోగకరమైన సూక్ష్మజీవులు నశించడంతో పాటు భూమి సారం తగ్గిపోతుందని, పర్యావరణం కలుషితమవుతుందని ఆమె తెలిపారు.పంట అవశేషాలను కాల్చకుండా నేలలో కలియదున్నడం లేదా కంపోస్టుగా తయారుచేసి సేంద్రియ ఎరువుగా వినియోగించుకోవాలని రైతులకు సూచించారు. ఇలా చేయడం వల్ల నేలలో సేంద్రియ కర్బనం పెరిగి భూసారం మెరుగుపడుతుందని వివరించారు. అంతేకాకుండా పంట అవశేషాలను పశువుల మేతగా, ఇతర వ్యవసాయ అవసరాలకు కూడా ఉపయోగించుకోవచ్చని తెలిపారు.పంట అవశేషాలను కాల్చడం వల్ల వెలువడే పొగ గాలి కాలుష్యానికి కారణమవడంతో పాటు ప్రజల ఆరోగ్యంపై ప్రతికూల ప్రభావం చూపుతుందని పేర్కొన్నారు. రైతులు పర్యావరణ పరిరక్షణకు ప్రాధాన్యతనిస్తూ పంట అవశేషాల నిర్వహణపై అవగాహన పెంపొందించుకోవాలని కోరారు.ఈ కార్యక్రమంలో మండల వ్యవసాయ అధికారి స్వప్న, ఏఈఓ నరేందర్ తదితరులు పాల్గొన్నారు.

ఇవి కూడా చదవండి

మా వాట్సాప్ ఛానెల్ లో జాయిన్ అవ్వండి తాజా వార్తల కోసం ఇప్పుడే ఫాలో అవ్వండి
Tags: