కమ్మర్‌పల్లిలో సీసీ కెమెరాలు, ఐమాక్స్ లైట్ల ఏర్పాటు గ్రామ భద్రత, మౌలిక సదుపాయాల కల్పనకు ప్రత్యేక చొరవ

దుబ్బాక మండలం కమ్మర్‌పల్లి గ్రామంలో సద్గురు శ్రీ స్వామి సమర్థ మహారాజ్ వారి సహకారంతో సుమారు రూ.2 లక్షల విలువైన 8 సీసీ కెమెరాలతో పాటు, రూ.2.50 లక్షల విలువైన 2 ఐమాక్స్ లైట్లను ఏర్పాటు చేయడం జరిగింది.గ్రామంలో భద్రతను మరింత పటిష్టం చేయడంతో పాటు, రాత్రి వేళల్లో వెలుతురు సదుపాయం కల్పించేందుకు ఈ ఏర్పాట్లు ఎంతగానో ఉపయోగపడనున్నాయి. ఈ సందర్భంగా సద్గురు శ్రీ స్వామి సమర్థ మహారాజ్ వారి కృపాకటాక్షాలు ఎల్లప్పుడూ కమ్మర్‌పల్లి గ్రామంపై ఉండాలని గ్రామ ప్రజలు ఆకాంక్షించారు.ఈ కార్యక్రమంలో కమ్మర్‌పల్లి గ్రామ సర్పంచ్ బరిగే సుజాత నరేష్‌తో పాటు ఉపసర్పంచ్, గ్రామ పంచాయతీ పాలకవర్గ సభ్యులు, గ్రామస్తులు పాల్గొన్నారు.

ఈ సందర్భంగా కమ్మర్‌పల్లి గ్రామ ప్రజల తరఫున సద్గురు శ్రీ స్వామి సమర్థ మహారాజ్ వారికి ప్రత్యేక కృతజ్ఞతలు, ధన్యవాదాలు తెలియజేశారు.